فعلا فى مجتمعنا حاجات غريبة اوى
تسمع كلام غريب عن اى منطق
وتشوف تصرفات غريبة عن اى واقع
ساعات من كتر ما بشوف حاجات غريبة بقول يمكن العيب فيا انا
انا اللى مش فاهمة
من كام يوم كنت فى كلية بدون ذكر اسماء
والحرس بتاع الكلية كان موجود
ودار هذا الحوار
بين مواطن عادى وامين شرطة
المواطن : انت عارف بعد ما ضربه وبهدله فى الشارع طلع ابن لواء وقاله انت مش عارف انا ابن مين
المواطن : وقعد يتأسف له ويقوله حقك عليا انا مكنتش اعرفك لكن الولد قاله انا مش هسيب حقى علشان متعملش كده مع اى مواطن عادى دا مش اسلوب تعامل ابدا.
امين الشرطة : طب وهو يعمله ايه هو كان يعرف ان ابن لواء
المواطن : طب والمواطن العادى انا وغيرى يتبهدل علشان خاطر مش ابن لواء مش لازم الناس تتعامل كويس وخلاص
أمين الشرطة : اهو مكنش يعرف بقه
سمعت الحوار دا وانا واقفة
وقلت فى عقلى هو دا المنهج اللى ماشية عليه الشرطة
اضرب المواطن واللى خلافوه
لحد ما نعرف مين ابوه
بس عجبنى موقف الولد اللى الحكاية عليه
لأنه تمسك بحقه مش علشان ابن حد ولكن علشان دا حقه وعلشان يدى درس للضربه ازاى يتعامل مع المواطين باحترام شوية
حسبنا الله ونعم الوكيل
هناك ١٧ تعليقًا:
ابتسم
فأنت فى مصر
ولا اية؟؟؟
دا الواقع
واحد صاحبي كان في مدينة بيزورها وهنا ملازم اتنطط عليه وخلاهم ياخدوه القسم هو راح معاه عادي جداً في البوكس
وهو في السكة راح مكلم ابن خالته رئيس مباحث البلد اللي كانوا فيها
فراح لقاه مستنيه في القسم
ومس بكرامه الملازم دا ادام القسم كله
دا غير احلي واجب عمله معاه في ملف خدمته
في مثل كان بيقول اللي ليه ضهر ميضربش علي بطنه
اللي عجبهم وعلقوا بقوا 3
بيعجبني المواقف البسيطة التي تحمل المعاني الكبار مثل هذا الموقف الذي يتجلى فيه
الغشم الأصيل من أمين الشرطة اللي مصمم يقول طب ما هو ماكانش يعرف
وتراهم ينظرون إليك وهم لا يبصرون
البلد دي هتفضل ماشية بالشقلوب لحد امتا
يا بلد مفيهاش كبير
و عجبي
هو ده سحر الشرررررررررق
تتضرب على قفاك والحكومة تتوقع منك تقول
كمااااااااااااااااان
بينى و بينكم يا جماعة فى بلدنا دى لازم الواحد يبقالو ضهر و الا هياخد على قفاه حسبى الله و نعم الوكيل
الأخت الفاضلة: سجدة
السلام عليكم ورحمة الله وبركاته
كل شئ فى البلد أصبح بالوساطة والمحسوبية
أما الفقير فهو مسكين معرض لكل أنواع الظلم والاضطهاد وضياع الحقوق
هذه أكبر آفة فى المجتمع
تقديرى واحترامى
أخوك
محمد
اختي الغالية...
لازم في البلد دي نبطل فكرة ابن مين و انت عارف انا مين..و منفرقش بين الامير و الغفير..كلنا بشر و كلنا عندنا عيوب و الكمال مستحيل..فهو لله سبحانه و تعالى..بس نقول ايه بقى في الشعب ده..
ربنا يصلح الحال
اللي يعر يقرا يروح لليمين ..اللي ميعرفش يروح للشمال00اللي واقفين في النص دول بقى هما ضباط الأمن المركزي وأمناء الشرطة00مستنية ايه منهم يعني؟
حسبي الله ونعم الوكيل0
مع تحياتي0
والسلام عليكم0
يبقى انت اكيد في مصر
:)
وحسبنا الله ونعم الوكيل
سبحان الله بس جميل منه انه عرف يعلمه الادب صح بطريقة تهزه بجد
ايه ده
الولد ده شكله مشربش من نيلها
معلش يا سجده
بس الولد ماتمسكش بحقه لمجرد ان ده حقه
الولد تمسك بحقه لأنه إزاى ينضرب و والده لواء
يمكن بنسبة 90% إنه لو كان مواطن عادى كان زمانه سكت
ولاحظى كلمة عادى
تحياتى
يخرب بيت كدة الراجل مصمم انه يقول ما هو ما كنش يعرف وكان هذا هو الاصل ان الناس تتعامل كدة
مش حتى يبرر تبرير كويس
وارجع اقول لو كان هذا الولد غير مسنود كان زمانة مسجون
تحياتى
شـــــهــــروزة
مبتسمة جدا
----------------
mohamed
مثل صحيح جدا للأسف
------------------------------
عصفور المدينة
المشكلة الواحد مش عارف هنفضل لحد امتى
كده
----------------------------
علاء.
للاسف اى كبير بيتصرف لصالحه وبس
--------------------
شروق الشمس
الحكومة عاوزة تمررط فى الناس ومدش ينطق
---------------------
التايه
طب اللى مالوش ظهر يشترى بقه
---------------------------
محمد الجرايحى
وإذا بدأت الافات فى الظهور هكذا بدء المجتمع فى الانهيار دا إن مكنش انهار اصلا
-----------------------
نقطة مية
المشكلة فى التربية اللى رسخت فى الناس انت ابن امين
----------------------
أحمد المصري..
بيصعبوا عليا بتوع الامن المركزى دول بيتجلى فيهم كل مساوىء النظام
-------------------------
kasperb4
وحسبنا الله ونعم الوكيل
---------------------------
امام الجيل
طبعا لازم يعلمه الادب ويعرفه ازاى يتعامل مع الناس
----------------------------
Amr Ahmed
دا لو النيل كان صلصة مكنش كفى الكوسة اللى فى البلد
----------------------------
أسامه يوسف
اكيد هو تمسك بحقه لأنه يقدر ياخده فى غيره كتير ميقدروش علشان كده بينسوه حقهم
------------------------
الطائر الحزين
ما هى الاشكال دى اللى جابتنا ورا
مممم مش عارفة
لكن اللي له ظهر مش ينضرب علي بطنة
دا شعارالبلد ... و هما هيعموا اللي بيعملوه في اي حد لو لو ليك ضهر هتخرج و خلاص
يالا
إرسال تعليق