السؤال الأول
1- صباح الخير بتتقال امتى
أ- فى الصبح
ب- بعد الصبح بدققتين كده
ج- بالليل
السؤال التانى
2- كام عدد اصابع اليد الواحدة
أ- عشرة
ب- سبعة
ج - خمسة
السؤال الثالث
3- انت بتصحى الصبح امتى
أ- الصبح بالليل
ب- الصبح بس
ج - الصبح الظهر كده يعنى
السؤال الرابع
4- كم عدد الأهرامات التلاتة فى مصر
أ- تلاثة
ب- تلاتة ونص
ج- تلاتة إلا ربع
وطبعا معروف تتصلوا على 0900787878787878
1- صباح الخير بتتقال امتى
أ- فى الصبح
ب- بعد الصبح بدققتين كده
ج- بالليل
السؤال التانى
2- كام عدد اصابع اليد الواحدة
أ- عشرة
ب- سبعة
ج - خمسة
السؤال الثالث
3- انت بتصحى الصبح امتى
أ- الصبح بالليل
ب- الصبح بس
ج - الصبح الظهر كده يعنى
السؤال الرابع
4- كم عدد الأهرامات التلاتة فى مصر
أ- تلاثة
ب- تلاتة ونص
ج- تلاتة إلا ربع
وطبعا معروف تتصلوا على 0900787878787878
وهننصب عليكم وناخد فلوسكم متخافوش
لا حول ولا قوة إلا بالله
هكذا تطردنا الاسئلة الساذجة التى ليس لها أى معنى فى كل مكان التليفزيون الأف ام التى نسمعها فى المكيروباص كل يوم
وكأنها تقول للناس هنستهبلكم وناخد فلوسكم غصب عنكم
كمية من الاسئلة التى لا تعبر عن اى ثقافة
وتسمن ولا تغنى من جوع وحجم الاتصالات لا يقل عن مبالغ طائلة تكاد تكون تهدر فى الأرض
أنا لا أعول هذا الموضوع على طارحى الأسئلة لأنهم أناس لا يهمهم أى شىء سوى المكسب السريع والنصب على الناس مش اكتر
ولكن البشر للى بيتصلوا دول ليه بيتصلوا
لماذا حلم الثراء السريع يرواد جميع الناس ؟
ثراء دون عناء من جائزة او مسابقة ساذجة لن تضيف لمعلوماتك اى شىء
والناس تعلم جيدا إنها لن تفوز بل وتدفع للشركة النصابة دون أى وعى
انا نفسى الاقى تفسير من الناس اللى بتتصل
هل فعلا هى استفادت من السؤال وتحب ان تبارز بمعلوماتها
ام إن الناس فقدت قيمة العمل الجاد وباتت تبحث عن اى خرم أبرة للثراء
وبالرغم من فتوى العلماء بعد جواز الاشتراك فى هذ المسابقات
إلا إنها مازالت مستمرة ومعنى استمرارها أن مازال هناك أناس يتصلون بها
http://www.mooga.com/fatawa/answers_show.asp?question_id=6130
فى بدء الأمر كنت أظن ان هذه الشركات ستعلن إفلاسها فى القريب العاجل
شركات نغمات المحمول والمسابقات على 0900 وتنزل اصوات النجوم لكن من الواضح ان حجم الهايفة فى المجتمع اصبح بهذه الكمية
اصبحت الثقافة فى المجتمع هى ثقافة
كيف تسرق اخيك المواطن
ازاى تبقى اهيف من صاحبك
بداية من مسابقات ملكات الجمال وملوك الجمال وستار اكاديمى
وصوت لى صوت لى
صوتوا عليهم ساعة سكتوا
طب ليه الناس بيضحك عليه وهى مبسوطة اوى كده وعادى يعنى
يتنصب عليهم وهما ولا هما هنا
طب دا اسمه أمل؟
ولا هبل
هناك ١٥ تعليقًا:
الفراغ و غياب الوعي الديني و الهدف
وراء كل النواقص
و لا حول و لا قوة الا بالله
تحياتي
بسم الله الرحمن الرحيم
السلام عليكم ورحمة الله وبركاته
حاجة تفقع المرارة يا بنتي ..
الجنية والنص من الراجل ده وجنية ونص من التاني يجمعوا مبلغ وقدره .. تخيلي معايا بقى لو المبالغ دي راحت لمشروع سكني أو مشورع صناعي .. أو لفلسطين أو للمسلمين في جنوب أفريقيا اللى بيتحاصروا من الجوع من ناحية والتنصير من ناحية ولا .. ولا .. مييييت مصرف محتاج الفلوس دي .. لكن اختيار الشعب المصري اللى مفيش أذكى منه في العالم إنصب على شركات المحمول .. دائرة من الهيافة والـ .. ربنا يرحمنا
بس ايه الحل في رأيك يا سجدة ؟
من كام يوم قريت فى الجرايد ان مهند س رفع قضية على محود سعد بتاع البيت بيتك عشان الراجل صرف 5000 جنيه على مسابقة البيت بيتك و مكسبش فى الاخر ... يا جماعة احنا اللى بنعمل كدة فة نفسنا تخيلو التفاهة وصلت بينا لحد فين
طالما الناس فاضية من جوا ومفيش شئ مالى عليهم حياتهم وهدف يسعوا ليه ننتظر منهم اى حاجة
لو دة تانى بوست ليكى
يبقا أبشرى
حتتلمى معانا فى المعتقل على آخر السنة كدة
مختصر الحال فى المقال
التوااااكل
ثقافة التواكل والحلم السريع بالثراء
زى ما الشباب شاف مرة واحدة طبقة جديدة نطت على سطح المجتمع من مفيش
جابوا منين؟؟
وازاى؟؟
وامتا؟؟؟
محدش عارف
يبقا كله مباح
وارجعى لكتاب الوليد بن طلال رضى الله عنه وطيب ثراه المطروح حاليا فى الاسواق بسبعة وعشين جنية
عن كيفية عمله لثروته وازاى تاخدوه حدوة
ولو انى حاولت اشترى نسخة لكن ملقيتش
بتنفذ قبل الطرح فى الاسواق
انتى عندك خبر بتنفذ لية؟؟؟؟
مصر كلها عاوزة تبقا الوليد
اذا عطبت الثمرة
سهل القطاف
تحياتى
آآة نسيت اقول حاجة
افتكرت مثل قديم بيقول
واحد بيقول لأبوه
ياأباا علمنى الهيافة
قاله...تعالى على 0900واتصل
Sampateek
عندك حق والله وكمان التهميش
---------
maha
الحل المقاطعة وتوعية الناس دا اللى نقدر عليه
برغم انك يا أخت مها فى فلوس بتتوجه لمشاريع خيرية وفى الاخر بتتم سرقة اكتر من نصفها مش عارفة حاسة ان احنا محاصرين
---------
ميدو
صحيح القانون لا يحمى المغفلين ودا مش مكسوف من نفسه
إمام الجيل
أمتى الناس تفوق
---------------
شهرزة
اعتبر دا وعد
اننا هنبقى فى المعتقل مع بعض
اهو نسلى بعضنا
وللاسف ناس كتير نفسها تبقى الوليد
ناسية الوليد دا جمع ثرواته من هدم القيم والاخلاق
وفاكر نفسه بطل قومى والادهى من كده عامل كتاب
يشرح فيه الخيبة الكبيرة اللى جابها للناس
صحيح الله يخرب بيت البترول اللى جاب العمار للغرب ودمر الشرق
ههههههههههههههههه
يا بنتي احنا في زمن تقدر تطلع كام من النفس
أولا ألف مبروك على المدونة
ثانيا
جزاك الله خيرا على زيارتي
ثالثا
أحييكي على اختيارك للموضوع
رابعا
من المؤمنين رجال
بضم اللام :))
تحياتي لك من ماناساس البلد
المشكلة موجودة فى البعض الذى ما زال يرى امكانية الكسب السريع ايضا من هذة المسابقات التافهة والتى لاتعبر عن اى ثقافة
وليس لها اى اهتمام ادبى او علمى
ربنا يصلح الحال واناس تفهم وتعرف وتقدر وتبعد عن الهبل دة
تحياتى
يلا أنا حستفتح فيضان التاجات اللى حيوصلك في المستقبل إن شاء الله
الوسم أو التاج
جبهة التهييس الشعبية
عندك حق
---------
The Groom
أولا الله يبار فيك
ثانيا جزانا وإياكم
ثلاثا اى خدمة
ربعا صلحتها
------------
tamer nabil
يارب بصلح حال الأمة يارب
---------------
maha
ماشى اصبرى عليا
والله الجيل ده معذور
انا واحدة من الناس نفسى اسافر استنبطول لما اسمع عن مسابقة زى كدة سهلة وهيفة حتى مش محتاجة تشغيل عقل اكيد هجرى وراها فما بالك بقى كمان لما يكون فى فلوس بالهبل ده اكيد هتصل وهحاول وهيتخرب بيتى كمان هههههههه..
بس عموما احب اطمنك يا سجدة رغم حلمى ده اللى انى عمرى ما فكرت مرة اتصل بالمسابقات دى ابدا .. كويس عرفت احافظ على اللى اتبقى فى عقلى من عقل ههههههههههه.
رباب
الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , المعتقل منذ حوالي 20 يوماً , ويعاني وضعاً صحياً سيئاً داخل محبسه نظراً لكبر سنه البالغ 80 عاماً , وتتمثل الحملة في نشر البوست الجاهز المتفق عليه بدءاً من يوم الجمعة الموافق 19/5/2007 والنشر سيستمر لمدة اسبوع ( مما يعنى أنه اذا لم يستطيع أحد المدونين النشر يوم الجمعه فهو يستطيع النشر لمدة اسبوع كامل ) , كما تشمل الحملة تثبيت صور شيخ المجاهدين في جميع المدونات المشاركة ( تأخذ الصور حفظ بإسم , أو عبر رابط عنوان رفعها على الانترنت ) , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً …
البوســـت بعنوان
أن تكون أبو الفـتــــــــوح شوشــــة
حملة الإفراج عن شيخ المجـاهدين
في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل … بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة …
أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر … أما لأنك في مصر … فهذا معناه أن تصير نزيل أحد السجون وحبيس أحد المعتقلات …
أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر …فتبلي البلاء الحسن … ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..
أن تكون أبو الفتوح شوشة فهذا معناه أن تعود من فلسطين راضياً عن نفسك … راضياً عن جهادك … راضياً عما فعلته لرفع لواء الذود عن فلسطين … فلا يرضى عنك النظام … لتذوق الويل والتعذيب في السجون المصرية …
أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد … بدون أن تتغير قناعاتك أو تتزعزع ثقتك في نفسك …
أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م … فيهب جميع أبناء دائرتك لإنتخابك … بما فيهم أقباط دائرتك بالكامل …. فتنجح نجاحاً باهراً … ثم يتم حل المجلس لأجل إسكاتك …
أن تكون أبو الفتوح شوشة فهذا معناه أن تتحصن بحب الله و تحظى بحب الناس لك …… لكنك في الوقت نفسه تجد أن النظام يُكن الكره لك … ويعتقلك المرة تلو الأخرى …
أن تكون أبو الفتوح شوشة فهذا معناه ألا يرحموا شيبتك وأنت قد قاربت الثمانين … فيزجوا بك في المعتقلات غير آبهين … ويحولوك لمحاكمة هزلية غير مستنكرين …
أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير … ويضيقوا عليك كل شئ حتى يسجنوك … في الوقت الذي تتمنى أن تنعم فيه براحتك …
أن تكون أبو الفتوح شوشة فهذا معناه جهاد في صغرك … تعذيب في شبابك … بهدلة في كهولتك …
أن تكون أبو الفتوح شوشة فهذا معناه … اننا معك حتى النهاية … نهاية ظلمهم أو نهايتهم …
الروابط :
مدونة انسى تعلن بدء حملة الافراج عن شيخ المجاهدين
http://ensaa.blogspot.com/2007/05/blog-post_17.html
مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html
مجلّة “فلسطين المسلمة” تذيع فقرات من جهاد شيخ المجاهدين
http://www.fm-m.com/2003/aug2003/story24.htm
تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1
عن جهاد شيخ المجاهدين المصريين في فلسطين pdf ملف
http://www.fm-m.com/2003/aug2003/pdf/51.pdf
لمعرفة معلومات متعلقة بحياة شيخ المجاهدين يرجى زيارة مدونة الحرية لأبو الفتوح
http://freeaboalftouh.blogspot.com/
رابط تقرير جريدة الدستور عن شيخ المجاهدين بتاريخ 13/5/2007
http://www2.0zz0.com/2007/05/17/21/81829036.jpg
الف مبروك يا نورا ع الموقع الجميل ده و ربنا يوفقك و على فكرى اسلبك الساخر فى الكتابة جميلة جدا والالتفات من الفانتازيا للواقع و من المشاهدة للنصح ومن النقد للارشاد. باختصار ، اسلوبك جميل د. باسم عثمان
إرسال تعليق